НовостиГ1алгай метта хетаяь декада 18.02.2022 Х1ара шера 10 дийнахьа дезду наьна метта ди. Цунца дувзаденна да укх бетта 16 денага д1адоладенна 25 денга кхачалца г1алг1ай меттае, литературае хетаяь декада д1ахьош хилар. Цу хьаькъе вай мехка дешара а исбахьален учрежденешка дукха в1ашег1а кхетараш , конференцеш хила езаш яь. Дерригача дунен чуйоаг1аш йолча ЮНЕСКО яхача организаци баьча тохкама х1ара бетта шишша болаш, х1ара ши к1ира мелдолача хана дуненчу к1езигаг1а бувцаш бола цхьа мотт беле д1абоал. Шера ткъаь биъ мотт хул уж. Къаман меттаца дувзаденна да къаман эхь, эздел, г1улакх, адаташ. Уж д1адоале, къам д1адоал. Вай мотт боча болаш , къаман эхь, эздел , г1улакх лорадеш хьабоаг1ачарех муг1арера бар лаьрх1а бехка хьаьший, ц1и хезза йозонхой, общественни деятелеш- Мартазанов Мусаи Матиев Илезеи. Цар дийцар г1алг1ай меттах а, шоай йозон белхах лаьца а.